السعادة الحقيقية هي في القرب من ربنا....عارفين ليه..سببين كده فكرت فيهم...لأن ربنا هو اللي خلقنا...هو اللي عارف تكوينا......خالق الروح الي جوانا...يبقى لما يحطلنا نظام نمشي..يبقى هو ده الأنسب للتكوين ده..زي بالظبط- ولله المثل الأعلى-لما مهندس أو مخترع يخترع جهاز معين..هو اللي بيعمل الكاتلوج اللي بيجي معاه..هو اللي بيقرر انسب طريقة لإستخدام الجهاز ده..لان هو أكتر واحد فاهمة وعارف تكوينة من جوه...وبالتالي لو حسينا بأي خلل فينا سواء نفسي أو جسدي...يبقى أكيد حدنا عن الطريق اللي ربنا رسمهولنا.........السبب التاني ان كل حاجة في جسمنا محتاجة تتغذى وممكن نحتاج اننا نروح عنها...العين مثلا لما تحب تبسطها بص على منظر جميل..تأمل الطبيعة...الأذن مثلا ..اسمع حاجة بتحبها...البطن ...آه وما أدراك ما البطن...بناكل أكلة حلوه...الخ...طيب والروح...الروح هي اللي شاملة كل دة ..ومن غيرها كل الأجزاء التانية بتنتهي...فين تغذيتها..فين حقها...نميها وغذيها بقربك من ربنا ..وإلا ستضمر وسيضمر معها باقي الأعضاء ......
